Памерла Дзіяна Чаркасава
2004 год забраў Вераніку Чаркасаву. 2024-ы – яе маці Дзіяну Цімафееўну.
Дзіяна Цімафееўна Чаркасава нарадзілася 22.01.1935г. у Мінску. У 1946-м пераехала з сям’ёй у Навагрудак. У 1958 годзе скончыла беларускае аддзяленне філалагічнага факультэта БДУ.
Усё жыццё яна прапрацавала ў газеце для беларусаў замежжа «Голас Радзімы»: карэктарам, літаратурным супрацоўнікам, адказным сакратаром і нарэшце намеснікам галоўнага рэдактара. У 2000 годзе выйшла на пенсію.
У 1978 г. у бібліятэчцы газеты «Голас Радзімы» выйшла кніга Д. Чаркасавай «Люблю» пра жыццё і творчасць беларускай паэтэсы Канстанцыі Буйло, з якой журналістка доўгія гады падтрымлівала асабістыя сувязі.
Яе публікацыі з’яўляліся таксама ў газетах «ЛіМ», часопісах «Полымя», «Нёман», на пачатку 2000-х па яе сцэнарах ствараўся цыкл праграм «Свая чужына» на беларускім «Радыё Рацыя» пра культурных дзеячоў беларускай эміграцыі. Яе рукапісы, перапіска з К. Буйло, публікацыі захоўваюцца ў Беларускім дзяржаўным архіве-музеі літаратуры і мастацтва.
Яна надзвычай годна і высокародна трымалася ўсе гэтыя гады. Пры тым, што цяжка ўявіць сабе колькасць болю, што выпаў на долю Дзіяны Цімафееўны. У 2019-м яна засталася без каханага мужа Уладзіміра Мялешкі, з якім разам крочыла па жыцці цягам дзесяцігоддзяў. Хапала і іншых горкіх рэчаў.
І вось зямны шлях скончаны. Дзіяна Цімафееўна сышла на 90-м годзе жыцця пасля працяглай хваробы. Практычна да апошніх дзён яна захоўвала вастрыню розуму. Але цела ў нейкі момант не вытрывала…
20 гадоў сілавікам не хапіла, каб знайсці забойцу Веранікі Чаркасавай. Цяпер Дзіяна Цімафееўна будзе чакаць справядлівасці на нябёсах.
«Салідарнасць» смуткуе з нагоды растання з Дзіянай Цімафееўнай і спачувае сваякам ды блізкім. Аднойчы яна напісала артыкул і для нас – пра кампазітара Міколу Равенскага. Гэты нарыс, што прысвечаны аўтару гімна «Магутны Божа», захоўвае актуальнасць. Прачытайце яго сёння і разам з намі назаўжды захавайце ў сэрцы светлую памяць пра Дзіяну Цімафееўну.
Оцените статью
1 2 3 4 5
Читайте еще
Як у Беларусі праходзяць суды над тымі, хто пасьпеў зьехаць за мяжу
Три благотворительных сбора. Кто просит о помощи?
Валерия Сигова: «Обида и озлобленность на беларусов были до момента, пока не попала на антивоенный митинг в Минске»
«Наш народ здольны адрадзіць у цэнтры Еўропы ветлую і заможную краіну»
Конвейер репрессий. Лидера ликвидированной партии «Зеленые» Дмитрия Кучука осудили на 6 лет. В Барановичах арестовали владелицу агроусадьбы. Беларусов, которые ранее «добровольно заплатили» за донаты, просят снова заплатить
Віншуем з Раством! Вытрымкі і моцнага здароўя – каб дачакацца больш шчаслівых часоў
Избранное
«Лукашенковская экономическая модель сложится, как карточный домик — думаю, нам для этого не потребуется ждать десятилетия»
Ілля Ясінскі: «Куды б ты ні йшоў – важным застаецца ісці да сябе»
Как Лукашенко подставил собственную пропаганду, пугающую беларусов «голодными» 90-ми
Какие вопросы вызывает отказ немецких прокуроров заводить дело на лукового бизнесмена Дорнау
Почему тридцать лет борьбы с коррупцией в Беларуси обернулись пшиком
30 лет Лукашенко. Как воспеваемые пропагандой успехи Беларуси смотрятся на фоне соседей